Pentaqondan "Patriot" kompleksləri ilə bağlı AÇIQLAMA 

“ABŞ Rusiya ilə müharibə aparmır”.

Sfera.az bildirir ki, bunu ABŞ Hərbi Hava Qüvvələrinin briqada generalı Patrik Rayder deyib. O, fikirlərini bu cür davam etdirib:

“ABŞ münaqişəyə can atmır. Biz Ukraynaya özünü müdafiə etmək üçün lazım olan təhlükəsizlik yardımı göstərməyə yönəlmişik. Hələ Rusiya işğal etmək qərarına gəlməzdən əvvəl bunu edəcəyimizi demişdik. Bunu nə qədər lazımdırsa, davam etdirəcəyik”.

Rayder “Patriot” komplekslərinin Ukraynaya təhvil verilməsinin mümkünlüyü ilə bağlı xəbərləri şərh etməkdən imtina edib. Xatırladaq ki, daha əvvəl Kremlin sözçüsü Dmitri Peskov Kiyevə çatdırılacağı halda, “Patriot” raketdən müdafiə sistemlərinin Rusiyanın qanuni hədəfinə çevriləcəyini demişdi.

Günay Rəsulqızı