ABŞ-la Rusiya arasında İstanbulda aparılan gizli danışıqların nəticələri açıqlanıb.

Sfera.az bildirir ki, bu barədə Rusiya xarici işlər nazirinin müavini Sergey Ryabkov TASS-a danışıb. O qeyd edib ki, ABŞ və Rusiya arasında narahatedici məsələlərlə bağlı danışıqlar işgüzar xarakter daşısa da, əsas mövzularda irəliləyiş yoxdur.

“İrəliləyiş minimaldır və söhbət ikinci dərəcəli məsələlərdən gedib. Xarici agentliklərin fəaliyyəti, viza halları, kadrların rotasiyası ilə bağlı əsas mövzularda isə inkişaf qeydə alınmayıb”.

Onun sözlərinə görə, əsas məsələlər üzrə belə məsləhətləşmələr gələn il də davam etdiriləcək. Eyni zamanda qurum rəsmisi bildirib ki, hazırda tarixlərlə bağlı heç bir razılaşma yoxdur.

Günay Rəsulqızı