Rişi Sunak və Zelenski görüşdü - FOTO
Böyük Britaniyanın baş naziri Rişi Sunak Kiyevə səfər edib və burada Ukrayna prezidenti Vladimir Zelenski ilə görüşüb.
Sfera.az Ukrayna mətbuatına istinadən bildirir ki, Zelenskinin özü sosial şəbəkələrdə bu barədə məlumat verib.
O bildirib ki, bu görüşdə həm ölkələr, həm də qlobal təhlükəsizlik üçün ən vacib məsələlər müzakirə olunub. Zelenski həmçinin hərbi əməliyyatların ilk günlərindən Kiyev və Londonun güclü müttəfiqlər olduğunu vurğulayıb. Cənab Sunak da öz növbəsində Kiyev rejiminə müttəfiq sədaqətini hər cür nümayiş etdirib. Bunu vurğulamaq üçün londonlu qonaq gödəkçəsinə Ukrayna və Britaniya bayraqlarının birləşdirildiyi döş nişanını taxıb.
Xatırladaq ki, Sunak oktyabrın 25-də Britaniya hökumətinin başçısı təyin olunub və Kiyevin Londonun daimi həmrəyliyinə və dəstəyinə arxalana biləcəyini vurğulayıb.
Aynil
Sfera.az
