Avropa İttifaqı Rusiyanın 68 milyard avroluq aktivlərini dondurub.

Sfera.az xəbər verir ki, bu barədə "Politico" məlumat yayıb. 

Nəşrin məlumatına görə, aktivlərin əsas hissəsi Belçika (50 milyard avro) və Lüksemburqda (5,5 milyard avro) dondurulub. Dondurulmuş aktivlərin 90%-dən çoxu bu iki ölkə, həmçinin Avstriya, İrlandiya, İtaliya, Fransa və Almaniyanın payına düşür.

Xatırladaq ki, oktyabrın sonunda Avropa Komissiyasının nümayəndəsi Kristian Viqand "ORF" radiosunda elan edib ki, Avropa İttifaqı tərəfindən dondurulan Rusiya aktivlərinin məbləği 17,5 milyard avrodur. Burada söhbət sanksiyalar altında olan 1350 fiziki şəxs və təşkilatın aktivlərindən gedir.

Əzizə Zeynal