Rusiya ABŞ-la danışıqlar aparır: Gizli saxlanılan görüşün PƏRDƏARXASI 

Ankarada Rusiya və ABŞ nümayəndələri arasında danışıqlar aparılır.

Sfera.az bildirir ki, bu barədə "Kommersant" qəzeti məlumat yayıb.

Qeyd olunub ki, Rusiya və ABŞ nümayəndə heyətləri arasında danışıqlar bu gün Türkiyənin paytaxtı Ankarada keçirilir.

Məlumata görə, Xarici Kəşfiyyat Xidmətinin direktoru Sergey Narışkin artıq Ankaraya uçub. Görüş isə daha əvvəl ictimaiyyətə açıqlanmayıb. Nəşrin mənbəsi isə hələlik danışıqların təfərrüatlarını açıqlamaqdan imtina edib.

Kremlin sözçüsü Dmitri Peskov bildirib ki, Ankarada danışıqlar barədə məlumatı nə təsdiq, nə də təkzib edə bilər.

Qeyd edək ki, sonuncu dəfə Rusiya və ABŞ nümayəndə heyətləri bu il yanvarın 10-da Cenevrədə görüşüblər. 

Günay Rəsulqızı,

Sfera.az