1a:T798,

Ermənistan xarici işlər naziri Ararat Mirzoyan Fransada səfərdədir. O, 5-ci Paris Sülh Forumunda iştirak edəcək, həmçinin fransalı həmkarı Katrin Kolonna və digər rəsmilərlə görüşəcək.

Bununla bağlı Sfera.az-a açıqlama verən siyasi şərhçi Kənan Novruzov deyib ki, Ermənistan XİN başçısının Parisə səfərindən müsbət nəsə gözləməyə dəyməz:

“Güman ki, nazirlər Cənubi Qafqazdakı durumu da müzakirə edəcəklər. Mirzoyan bağlı qapılar arxasında həmkarından kömək istəyəcək. Bunun üçün o, Azərbaycanla münasibətlərin son mərhələsi barədə saxta məlumatlar verə, bizi ittiham edə bilər. Yəqin, Kolonna buna inanmağı seçəcək. Baş diplomatlar yəqin ki, birgə mətbuat konfransı keçirəcəklər. Brifinqdə Mirzoyan adətinə sadiq olaraq, Azərbaycanı ittiham etməyə çalışacaq. Fransa XİN başçısı isə vasitəçiliyini dilə gətirəcək, regiondakı sülh və sabitlikdə maraqlı olduğunu, bu ideala sadiqliyini ifadə edəcək”.

Ekspert qeyd edib ki, adətən Mirzoyanın xaricə, xüsusilə ona havadarlıq edən ölkələrə səfərlərindən sonra şərti dövlət sərhədində təxribatlar intensivləşir:

“Bu, təsadüfi deyil. Çünki hər səfərdən sonra İrəvan havadarlarının dəstəyini hiss edir, ürəklənir. Bu mənada bu dəfəki səfərdən sonra da Ermənistanın növbəti provokasiyalar törətməsi mümkündür. Bu isə Ermənistanın yox, onun havadarlarının maraqlarına uyğundur. Məhz İrəvanın təxribatları nəticəsində bölgədə vəziyyət gərginləşir və üçüncü güclərin regiondakı mövcudluqları təmin olunur”.

Günay Rəsulqızı

4:[["$","script",null,{"type":"application/ld+json","dangerouslySetInnerHTML":{"__html":"$18"}}]

Mirzoyanın Fransa səfəri nələr vəd edir? - “Təxribatlar artacaq”