Zelenskidən G-20 sammiti ilə bağlı ŞƏRT: “Əgər Putin ora gəlsə…”

Ukrayna Prezidenti Volodimir Zelenski G-20 sammiti ilə bağlı şərtini açıqlayıb.

Sfera.az bildirir ki, o, noyabrın ortalarında İndoneziyanın Bali adasında keçirilməsi gözlənilən tədbirdə Rusiya lideri Vladimir Putinin olacağı təqdirdə iştirak etməyəcəyini deyib.

Zelenski bildirib ki, Putinlə danışacaq heç nəyi yoxdur:

“Əgər Rusiya lideri Vladimir Putin G-20 sammitində iştirak etmək qərarına gəlsə və orada güc nümayişi etdirsə, mən o sammitdə iştirak etməyəcəyəm. Bu münasibət təkcə mənə deyil, bütün Ukrayna xalqına aiddir”.

Bundan öncə ABŞ Prezidenti Co Bayden də bəyan edib ki, Putin sammitdə iştirak etsə, onunla ikitərəfli danışıqlar aparmayacaq. G-20-də iştirakı ilə bağlı qəti qərar vermədiyini bildirən Putin isə son günlər Qərb ölkələrinə “Gəlin, Ukrayna böhranını həll edək” mesajını verir.

Günay Rəsulqızı,

Sfera.az