“Paşinyan erməni cəmiyyətinə anlatmağa çalışır ki...” - Açıqlama

“Ermənistanın baş naziri Nikol Paşinyan xalqını sülhə hazırlayır”.

Sfera.az bildirir ki, bunu beynəlxalq münasibətlər üzrə şərhçi Əziz Əliyev deyib. O, Nikol Paşinyanın Rusiyadakı son çıxışını xatırladıb:

“Paşinyan prosesi baltalayır kimi görünür, amma “biz dəhliz vemirik, yol veririk” deyir. Ümumiyyətlə, bu iki anlayışın əsaslı hüquqi izahı yoxdur. İkincisi, Paşinyan deyir ki, yolun açılması Ermənistanın, Sünikin təhlükəsizliyini gücləndirir. Digər tərəfdən Azərbaycan prezidenti İlham Əliyev artıq siyasi ədəbiyyata “Zəngəzur” terminini daxil edib, amma erməni baş nazir öz stixiyasına əsaslanaraq sözügedən terimini görməzdən gəlməyə cəhd edir. Üçüncüsü, o deyir ki, Azərbaycanın müəyyən şərtləri var. Əslində hamınıza məlumdur ki, söhbət hansı şərtlərdən gedir. Nəhayət, Paşinyana görə regional xətlər açılarsa, Ermənistan Azərbaycan vasitəsilə Rusiyaya çıxış əldə edəcək”.

Ekspert qeyd edib ki, Nikol bu açıq mətnlə bütün erməni cəmiyyətinə rəsmən yalvarır:

“Həmçinin onların yeganə çıxış yolu “Lars” dəhlizidir ki, Ukrayna müharibəsinə görə Rusiya bütün yükləri bu yola salıb və Ermənistan üçün yoldan istifadəyə görə kiçik bir qrafik saxlanılıb. Bu baxımdan Nikol hayqırır ki, boğuluruq, ay ermənilər, ilin sonuna pəncələri açaq””.

Türkan