İraq Baş naziri Mustafa Kazımi və ABŞ Prezidenti Co Bayden arasında telefon danışığı baş tutub.

Sfera.az xəbər verir ki, bu barədə İraq hökumətinin məlumatında deyilir.

Söhbət zamanı Bayden İraqın müstəqilliyi və suverenliyini dəstəklədiklərini bildirib və ölkənin təhlükəsizlik qüvvələrinin fəaliyyətini təqdir etdiyini söyləyib.

Ağ Ev rəhbəri İraqda qarşıdurmalar zamanı həlak olanların ailələrinə başsağlığı verib və siyasi gərginlikdən konstitusion çərçivədə dialoq yolu ilə çıxmağın lazım olduğunu əlavə edib.

Turan Rzayev,

Sfera.az