Nensi Pelosinin Tayvan adasına səfərinin pərdəarxası – Elxan Şahinoğlunun şərhi
Pekin yenə Vaşinqtona xəbərdarlıq edərək belə bir bəyanatla çıxış edib:
“Əgər ABŞ Nümayəndələr Palatasının sədri Nensi Pelosi Tayvana səfər edərsə, Çin hərbçiləri seyrçi qalmayacaqlar”.
Çin Xairici İşlər Nazirliyi bunu sonuncu xəbərdarlıq adlandırıb. Çin Xarici İşlər Nazirliyinin mətbuat katibi deyib ki, statusuna görə ABŞ-ın üçüncü rəsmi şəxsi olan Nümayəndələr Palatasının sədri Nensi Pelosinin Tayvan adasına gəlişi ağır nəticələrə səbəb olacaq. Pekin Vaşinqtona onu da xatırladıb ki, ABŞ Tayvanın müstəqilliyini tanımayacağını illər öncə Pekinə vəd edib”.
Sfera.az xəbər verir ki, bu sözləri politoloq Elxan Şahinoğlu deyib.
Onun sözlərinə görə, böyük ehtimalla bu Nensi Pelosinin təkbaşına verdiyi qərar deyil:
“Onda qərar verənlərin məqsədi nədir? Axı bu səfər ABŞ-la Çin arasındakı münasibətləri daha da gərginləşdirəcək. Halbuki Rusiyanın Ukraynaya qarşı işğalçı müharibə fonunda Vaşinqton Pekini Kremldən məsafə saxlamağa çağırırdı. Vaşinqtonun Tayvanla bağlı siyasəti əksinə Pekini Kremlə daha da yaxınlaşdıracaq. Belə olan halda Vaşinqtonun yeganə məqsədi Pekini Tayvan adasını nəzarətə götürməkdən çəkindirməkdir. Pekin Tayvanı özününkü sayır və adanı nə vaxsta nəzarəti altına alınacağını istisna etmir. Vaşinqton bunun əleyhinədir. Bunu önləmək üçün də Vaşinqton Pekinə əzələ nümayişi həyata keçirir. Bunu həm Tayvan ətrafında hərbi təlimlər keçirməklə, həm də Nensi Pelosini adaya səfər edəcəyi xəbərini yaymaqla həyata keçirməyə çalışır”.
Turan Rzayev