İsrail 15 ildən sonra Türkiyəyə uçuşları bərpa edəcək

Türkiyə ilə İsrail arasında münasibətlərin normallaşmasının nəticəsi olaraq 15 illik fasilədən sonra İsrail aviaşirkətləri Türkiyə ərazisinə müntəzəm uçuşları bərpa edə bilər.  Bundan əlavə, Təl-Əviv və Ankara mülki aviasiya sahəsində əməkdaşlığı bərpa edəcəklər.

Sfera.az Türkiyə mediasına istinadən xəbər verir ki, İsrail və Türkiyə tərəfləri arasında iyulun 4-də keçiriləcək danışıqlarda müntəzəm uçuşların tezliyinin artırılması və sərnişinlərin təhlükəsizliyi məsələlərinin həlli də müzakirə olunacaq.

Xatırladaq ki, İsrail aviaşirkətləri 2007-ci ildən Türkiyəyə uçuşlar həyata keçirmir, bütün bu müddət ərzində iki ölkə arasında hava nəqliyyatı yalnız Türkiyə tərəfdən həyata keçirilirib.