"Zelenskinin ustadlarından hansı təlimatı aldığını bilmirik" - Lavrov
Ukrayna özü Rusiya ilə danışıqlar aparmaq istəmədiyini bəyan edib.
Sfera.az xəbər verir ki, bu barədə Rusiya xarici işlər naziri Sergey Lavrov bildirib .
“İstanbul danışıqları uğursuzluğa düçar oldu. Çünki onlar özləri etiraf etdilər ki, danışıq istəmirlər. Zelenskinin Vaşinqtondakı, Londondakı ustadlarından hansı təlimatı aldığı hələ də bizə aydın deyil”, - Lavrov bildirib.
Bundan əvvəl Rusiya Federasiyası prezidentinin köməkçisi, Ukrayna ilə danışıqlarda Rusiya nümayəndə heyətinin rəhbəri Vladimir Medinski bildirib ki, Rusiya və Ukrayna nümayəndə heyətləri vaxtaşırı əlaqə saxlayır, lakin Kiyev eyni istiqamətdə danışıqlar aparmaq istəmir.
Bundan əlavə, Medinski bildirib ki, Kiyev Pentaqonun və ABŞ Dövlət Departamentinin təkidi ilə Moskva ilə danışıqları dondurub .
Həmçinin bildirilib ki, Rusiya tərəfi ilə danışıqlarda Ukrayna nümayəndə heyətinin rəhbəri David Araxamia deyib ki, Kiyev “kifayət qədər zəif” mövqeyinə görə hələlik Rusiya nümayəndələri ilə yeni görüşlərdə məqsəd görmür.
