“Köhnə münaqişələr yenidən qızışır...” – Şərh
16:05 / 02.12.2021
781
"Dünyanın
hər tərəfində münaqişə ocaqları mövcuddur. Bu ocaqların yenidən
alovlandırılması prosesinə start verildiyi görünür".
Sfera.az
xəbər verir ki, bunu siyasi ekspert Samir Hümbətov deyib. Onun
sözlərinə görə, ya
köhnə ocaqlar yenidən alovlandırılır, ya da yeniləri yaradılır:
"Görünən odur
ki, dünya gücləri üçün bu lazımdı, xüsusilə dünyanın belə həssas halında. Artıq
Əfqanıstan-İran sərhədində vəziyyət pisləşib. Ola bilsin ki, burada dini əqidə
daha çox qabardılsın, 1980-1988-ci illər İraq-İran müharibəsində olduğu kimi”.
Siyasi
ekspert xatırladıb ki, Rusiyanın separatizmə dəstəyi Ukraynanın uzunmüddətli
münaqişə ocağına çevrilməsinə gətirib çıxardı:
Onun sözlərinə görə, İraqda 20 ilə qədər, Suriyada isə 10 ildən artıqdır ki, müharibə bitmək bilmir:
"Dünya 50 milyondan artıq qaçqın axınına şahidlik edir və bu proses hər keçən gün artmaqdadır. Belarus-Polşa sərhədində baş verən miqran böhranı da məhz bu proseslərin tərkib hissələrindən biri kimi qəbul oluna bilər. Dünyanı idarə edən güclər üçün hər bir münaqişə ayrılıqda gəlir mənbəyi hesab edilir və ona görə də dünya bitmək bilməyən problemlərlə üz-üzə qalmaqdadır”.
S. Hümbətov
sonda əlavə edib ki, COVID-19 pandemiyasından sonra dünya iqtisadiyyatı ciddi şəkildə
zərbə alıb. Bu isə yeni münaqişələrin, hətta müharibələrin yaranmasına səbəb
ola bilər.
