"Ermənistan BMT-nin Təhlükəsizlik Şurasının qətnamələrinə məhəl qoymurdu" - Venesuela televiziyasında maraqlı faktlar
Siyasət
11:45 / 31.08.2021
1078
Qafqaz-İberoamerika Düşüncə Mərkəzinin sədri Mahir Qurbanov Venesuelanın "Globovision TV" televiziya kanalında BMT-nin Təhlükəsizlik Şurasının qətnamələri haqqında və Ermənistanın bu qətnamələrə məhəl qoymaması barədə faktlar açıqlayıb.
O bildirib ki, Qarabağ Azərbaycanın əzəli və tarixi torpağıdır:
"Ermənistanın təcavüzü nəticəsində Azərbaycanın beynəlxalq səviyyədə tanınmış ərazisinin təxminən 20 faizi işğal altında idi. Bir milyondan artıq azərbaycanlı qaçqın və məcburi köçkün vəziyyətinə düşmüşdü. Ermənistan azərbaycanlılara qarşı Ermənistanda və Dağlıq Qarabağda etnik təmizləmə siyasəti həyata keçirib. Bütün azərbaycanlı əhali işğal edilmiş ərazilərdən qovulmuşdur. Ermənistan azərbaycanlı mülki şəxslərə qarşı bir sıra müharibə və insanlıq əleyhinə cinayətlər törətmişdir. Eyni zamanda, torpaqlarımızın işğalına görə məsuliyyətdən yayınmaq məqsədilə Ermənistan həmin ərazilərdə cinayətkar, terrorçu, qondarma rejim yaratmışdır".
M.Qurbanov 1993-cü ildə BMT-nin Təhlükəsizlik Şurası Ermənistan silahlı qüvvələrinin Azərbaycan ərazisindən dərhal və qeyd-şərtsiz çıxarılmasını tələb edən 4 qətnamə qəbul etdiyini xatırladıb:
"Ancaq Ermənistan buna məhəl qoymurdu. Və erməni provokasiyasından sonra başlanan müharibədə biz qalib gəldik. Biz ərazi bütövlüyümüzü bərpa etdik. Biz işğala son qoyduq!"
