Aprel döyüşlərində qaçan ermənilərdən XƏBƏR VAR
Siyasət
23:11 / 17.06.2016
2401
Aprel döyüşləri zamanı Azərbaycanın işğal olunmuş ərazilərinin bir qismini tərk edən sadə ermənilər geri qayıtmayıb.
Sfera.az publika.az-a istinadən xəbər verir ki, Ermənistanın "Aykakan jamanak” qəzeti insanların əksəriyyətinin İrəvana və xarici ölkələrə getdiyini yazıb.
Əhalinin müəyyən hissəsi isə işğal olunmuş Şuşa və Xankəndində yerləşib. Hökumət nümayəndələri nə qədər məcbur etsə də, əhali geri qayıtmaqdan imtina edir.
"Onlara çoxlu vəd verirlər, hətta kompensasiya ödəyəcəklərini deyirlər, bir də müharibənin olmayacağını bildirirlər. Hökumət istəyir ki, insanlar qayıdıb kənd təsərrüfatı ilə məşğul olsun. Lakin bütün vədlərə rəğmən gedənlər qayıtmaqdan imtina edir. Hökumət nümayəndələri sonuncu dəfə Şuşaya yerləşmiş əhali ilə görüşüb. Onlar da geri qayıtmaqdan imtina ediblər”, - deyə qəzet yazıb.
Qəzet qeyd edib ki, hökumət nümayəndələri əhalini geri qaytarmaq üçün hədə-qorxu variantına da əl atır. Lakin hər şeyə rəğmən, heç kim qayıtmaq istəmir.
