“Rusiya və İran prezidentləri Şuşaya gələ bilməz, çünki...” - Politoloq
Siyasət
12:25 / 23.06.2021
1657
"Türkiyə Azərbaycan üçün qardaş ölkədir və
prezident Rəcəp Tayyip Ərdoğanın Şuşaya gəlməsi təbii proses idi. Çünki Türkiyə
Vətən Müharibəsində yanımızda olub. Digər dövlət başçılarının, məsələn, Rusiya
prezidenti Putinin Şuşaya gəlməsi isə qeyri-mümkündür”.
Bunu Sfera.az-a açıqlamasında politoloq Məhəmməd Əsədullazadə
deyib. O bildirib ki, müharibə dövründə Rusiya Şuşanın
azad edilməməsinə çalışırdı:
"Şuşaya atılan "İsgəndər” raketləri də məhz
Rusiyanın birbaşa tapşırığı ilə həyata keçirilib. Yaxud, İran İslam
Respublikası liderinin Şuşaya səfər ehtimalından danışarkən qeyd etmək lazımdır
ki, bu ölkə də Qarabağın işğaldan azad olunmasını həzm edə bilmirdi. Ermənistana
bu prosesdə istənilən köməyi edirdi. İndi də Qarabağdakı ermənilərə logistik dəstək
göstərir. Sözügedən ölkənin tırları Ermənistan ərazisindən keçməklə Laçın dəhlizinə
gedib saxta nömrələrlə ermənilərin tərəfini
tuturlar. Yəni, İran prezidenti də heç vaxt Şuşaya gəlməz”.
Günay Rəsulqızı
