Ermənistan ATƏT və digər beynalxalq təşkilatlara münasibətdə şantaja əl atıb

Məsələ ilə bağlı Sfera.az-a danışan politoloq Cümşüd Nuriyev öncə bildirib ki, bu mövqe Ermənistanın  xislətindən irəli gəlir: "Ermənilər etnokorporasiya rolunda çıxış edir, həmişə onları kilsə idarə edib.  Ermənilər mərdmazarçılıq etmədən yaşaya bilmir”. 

Həmsöhbətimizin fikrincə, Ukranya ilə bağlı ATƏT-in sözügedən qərarını İrəvanın əvvəlcə boykot etməsi Moskvadan gələn sifarişdir. Lakin düşmən ölkənin sonradan həmin qərarından geri dönməsi Fransadan gələn tapşırıq əsasında baş tutub: "Bu birmənalıdır.  Ermənistan iki yerə parçalanıb, Orada qərbyönümlülərlə rusiyayönümlülər arasında qarşıdurma yüksək həddədir. İrəvan Qarabağda ağır zərbəyə düçar olub. Onlar həmçinin ATƏT-dən gözlədiklərini əldə edə bilmədi.  Çünki Azərbaycanın qələbəsindən sonra artıq ATƏT-də söz sahibi deyil”.

C. Nuriyev qeyd etdi ki, bu addımdan sonra Ermənistanın oyuncaq dövlət olduğu tamamilə hər kəsə bəlli oldu: "İrəvanın bununla həm Rusiya ilə münasibəti korlandı. Çünlki həmin məsələdə Moskvanın istədiyi olmadı. Ermənilər həmçinin Qərblə də münasibəti korladılar. Çünki Qərbə də sonadək sadiq qalmadılar. Belədə qarşıdakı seçkilərdə nə Rusiya, nə də Qərb onları dəstəkləməyəcək”.

Politoloq onu da vurğuladı ki, ermənilər hər zaman başqalarının əlində alət olublar: "Bütün  bundal ermənilərin dövlətçilik ənənəsinin olmamasından, başqalarının əlində alət olmalarından  qaynaqlanır. Bu vəziyyət belə bir rəy formalaşdırır ki, Ermənistan dövlət deyil və ola da bilməyəcək.  İrəvan BMT Baş Assambleyasında, Avropa Şurasında  və digər beynəlxalq təşkilatlarda dəfələrlə bu tip anormal çıxış edib, anormal təkliflər gündəmə gətiriblər.  Hər dəfə də tutduqları mövqedən ya geri çəkilib,  ya da ağılsız mövqe tutublar.  Bu da onların beynəlxalq miqyasda heç bir nüfuza malik olmadıqlarının bariz nümunəsidir”