Krım tatarlarının lideri, Ukrayna prezidentinin Krım tatarlarının işləri üzrə səlahiyyətli nümayəndəsi Mustafa Cəmilov yarımadanın azad edilməsi üçün Türkiyə prezidenti Rəcəb Tayyib Ərdoğandan kömək istəyib.

Publika.az xəbər verir ki, bu haqda Cəmilovun özü "Online.ua” saytına müsahibəsində danışıb.

Onun sözlərinə görə, Türkiyə prezidentindən Bosfor boğazının Rusiya gəmiləri üçün bağlanması və türk gəmilərinin Krım sahillərinə göndərilməsini xahiş edib.

Amma Krım tatarlarının lideri etdiyi xahişlərin hələ ki təmin edilmədiyini bildirib. Cəmilov qeyd edib ki, Rəcəb Tayip Ərdoğan Rusiya-Ukrayna qarşıdurması və Krımın işğalı məsələsində tamamilə Ukraynanın tərəfindədir.