Tramp bəzi ştatlarda liderliyi itirməsini “çox qəribə” adlandırdı
01:30 / 05.11.2020
4937
ABŞ Prezidenti Donald Tramp seçkilərdə son saatlarda bəzi ştatlarda "Demokratlar”ın mövqelərinin qəfil möhkəmlənməsini "qəribə” adlandırıb.
Sfera.az-ın məlumatına görə, bu barədə Donald Tramp tvitter hesabında yazıb.
"Dünən gecə bir çox açar ştatlarda mən liderlik edirdim. Demək olar ki, bütün hallarda bunlar demokratların idarə etdikləri ştatlardır. Sonra hər şey sehirli şəkildə dəyişməyə başladı, gözlənilmədən sayılmamış bülletenlərin yığınları müəyyən edildi”, - deyə D.Tramp bildirib.
ABŞ lideri baş verənləri böyük hərflərlə "çox qəribə” adlandırıb.
Qeyd edək ki, bu saata olan son nəticəyə görə, Demokrat Partiyasının namizədi Co Bayden 70 106 680 seçici səsi, Respublikaçıların namizədi Donald Tramp isə 67 356 298 səs qazanıb.
Beləliklə, Bayden Seçkiçilər Kollegiyasında 248 səsə, Tramp isə 214 səsə malikdir.
Seçkilərdə qələbə üçün hər hansı bir namizəd 270 səs toplamalıdır.
