Ermənistanın sabiq prezidenti Robert Koçaryanın evinə edilən hücum zamanı zərərçəkən olmayıb.
Oxu.Az Gazeta.ru-ya istinadən verdiyi məlumata görə, bunu R.Koçaryanın mətbuat katibi Viktor Soqomonyan bəyan edib.
Onun sözlərinə görə, Rusiyanın "Sistema” səhmdar-maliyyə korporasiyasının Şura üzvü olan R.Koçaryan hazırda Moskvadadır.
"Mən belə başa düşdüm ki, kimsə eks-prezidentin evinə qumbara ataraq qaçıb. Hadisə nəticəsində zərərçəkən olmayıb”, - deyə V.Soqomonyan bildirib. 
00:24
İrəvanda Ermənistanın sabiq prezidenti Robert Köçəryanın evinə hücum edilib.
Oxu.Az-ın news.am saytına istinadən xəbərinə görə, Köçəryanın evinə qumbara atılıb.
Son məlumata əsasən, hazırda hadisə yerində operativ qrup işləyir. 
Hadisənin digər təfərrüatları barədə məlumat verilmir.