Satdığı maşını həyətdən oğurladı və… - İlginc olayla bağlı ŞİKAYƏT

Satdığı maşını həyətdən oğurladı və… - İlginc olayla bağlı ŞİKAYƏT
Sumqayıt şəhər Təhsil İdarəsinin Maliyyə şöbəsinin müavini Musa Məmmədovun oğlunun avtomobil oğurlaması ilə bağlı saytımıza şikayət daxil olub.

Sfera.az xəbər verir ki, şikayətçi Nailə Qaragözova Fərid Məmmədovun sentyabr ayında ona 20500 dollara "Toyota Prado” markalı avtomobilini satdığını bildirib. N.Qaragözova avtomobilinin bir neçə ay sonra həyətlərindən Fərid Məmmədov tərəfindən oğurlandığını da iddia edib:

"Fərid Məmmədovla 2021-ci ildən tanışam. Ötən il o mənə bildirdi ki, təcili pul lazım olduğu üçün avtomobilini ucuz qiymətə satır. Mən də digər elanlarla müqayisədə gördüm ki, doğrudan da təklif etdiyi qiymət çox yaxşıdır və beləliklə avtomobili aldım, pul ödənildi və rəsmi sənədləşmə oldu. Sentyabrda Fərid mənə bildirdi ki, özü avtomobil alandək müvəqqəti olaraq anası Afaq Məmmədovaya etibarnamə verim və o maşını rahat sürə bilsin. Aramızda dostluq münasibəti olduğu üçün buna etiraz etmədim. Lakin dekabr ayında Fəridə zəng edib  avtomobili geri qaytarmağı deyəndə müxtəlif bəhanələrlə avtomobili qaytarmadı. Belə olan halda mən də 23 dekabr tarixində Afaq Məmmədovanın adına olan etibarnaməni ləğv etdim. Bundan iki gün sonra Fərid avtomobili gətirib binamızın həyətinə qoyub getdi və mənə bildirdi ki, maşının ikinci açarını səhəri gün gətirib verəcək. Lakin səhər avtomobil məhlədə yox idi, Fərid onu oğurlamışdı.
 
Vəziyyət belə olduqdan sonra Fəridin anasına yığdım, o isə cavabında "əcəb edib”, deyə bildirdi. Fəridin atası Musa Məmmədova vəziyyəti bildirəndə isə şikayət etməməyimi və mənə 20000 manat pul ödəməyə hazır olduğunu dedi. Bu isə avtomobili aldığım qiymətdən çox aşağı idi. Hətta sonradan bu hadisə ilə bağlı özünü polis polkovniki kimi təqdim edən Elbrus Rüstəmov iş yerimə gələrək məni hədələdi. Araşdırdım və bəlli oldu ki, o əslində keçmiş polis işçisidir. Bundan sonra mən polisə şikayət ərizəsi verdim”.

Şikayətlə əlaqədar qarşı tərəflə də əlaqə saxlamağa cəhd etdik. Musa Məmmədov şikayətlə əlaqədar zəng etdiyimizi bildikdə, bir qədər sonra əlaqə yaratmağımızı istədi və növbəti zənglərimiz cavabsız qaldı.
 

İnci
 
Sehliyali
Turan Bank

OXŞAR XƏBƏRLƏR

Goranboy sakini minaya düşdü, ayağı amputasiya edildi

Goranboy sakini minaya düşüb. Sfera.az xəbər verir ki, hadisə rayonun Tapqaraqoyunlu kəndində qeydə alınıb. Kənd sakini, 1996-cı il təvəllüdlü Məmmə...

Satdığı maşını həyətdən oğurladı və… - İlginc olayla bağlı ŞİKAYƏT

Sumqayıt şəhər Təhsil İdarəsinin Maliyyə şöbəsinin müavini Musa Məmmədovun oğlunun avtomobil oğurlaması ilə bağlı saytımıza şikayət daxil olub. Sfera.a...

Azərbaycanda ailə faciəsi: Əri COVID-19-dan ölən qadın intihar etdi

Şəmkir rayonunda qadın intihar edib. Hadisə Şeyidlər kəndində qeydə alınıb. Kənd sakini, təxminən 55-60 yaşlı Telnaz Əliyeva yaşadığı evin həyətində olan yard...

“Əvvəl qayınatamı, sonra atamı çağırdım” - Məktəb rəhbəri bufetçini döyüb?+VİDEO

Tovuzda orta məktəbdə direktor əvəzi olaraq çalışan qadın məktəbin həyətində bufetçi qadınla dalaşıb. Sfera.az ATV-yə istinadən xəbər verir ki, hadisə ray...

Xəzər dənizində insan qalıqları tapıldı

Xəzər dənizində insan qalıqları aşkarlanıb. Sfera.az xəbər evrir ki, bunu SOCAR-ın İctimaiyyətlə əlaqələr və tədbirlərin təşkili idarəsinin rəis müavini İ...

Bakıda qəribə hadisə: Polis gəlin maşınını saxladı - VİDEO

Bakıda qəribə hadisə baş verib. Sfera.az xəbər verir ki, toy karvanı restorana gedərkən yol polisi gəlin maşınını saxlayıb.  Bu isə karvandakı ...