Cəzaçəkmə müəssəsində “açıq qapı” günü keçirilib
Tibb baş idarəsinin təşəbbüsü ilə Novruz Bayramı ərəfəsində Tibb-sanitar hissəsinin iş planına əsasən14.03.2019cu il tarixdə 4 saylı cəzaçəkmə müəssəsində "açıq qapı” günü keçirilmişdir.
Yüksək səviyyədə baş tutan tədbirə bir çox həkim-mütəxəssislər dəvət olunmuşdur. Tədbir Nərminə Tayız’ın təşkilatı dəstəyi ilə həyata keçirilmişdir. Məhbus qadınlar tibbi maariflənməsi və bir sıra xəstəliklərin profilaktikası məqsədilə onkoloq-mammoloq, ginekoloq və psixoloq tərəfindən keçirilmiş seminarda onları daha çox maraqlandıran mövzularda: süd vəzi, ginekoloji və digər xəstəliklər haqqında faydalı məlumatlar səsləndirilmiş, onların sualları cavablandırılmışdır. Eyni zamanda səhhəti ilə bağlı şikayəti olan bəzi məhkumların daxili orqanların ultrasəs müayinəsi həyata keçirilmişdir. Tədbirin sonunda dəmir barmaqlar arasında yaşayan qadınlar mütəxəssislər tərəfindən müayinə edilmiş, tibbi tövsiyələr verilmiş, müvafiq müalicə təyinatları yazılmışdır. Müəssisənin inzibatı rəhbərliyi və tibb işçiləri tədbirdə fəal iştirak etmiş, tədbirin uğurla başa çatması üçün hər cür şərait yaradılmışdır.
Sonda məhbus qadınlar dövlətimizin onlara göstərdiyi diqqət və qayğıya görə təşəkkkürlərini bildirmişlər.
