Uşağın onurğasını ana bətnində əməliyyat etdilər
Sağlıq
18:20 / 12.02.2019
2926
Hamilə qadının körpəsi bətnində əməliyyat olunub.
Sfera.az xarici mediaya istinadən xəbər verir ki, qeyri-adi əməliyyat Belçikada baş tutub.
İngiltərənin Esseksa əyalətindən olan 26 yaşlı Betan Simpson hamilə olarkən öyrənir ki, uşağının ciddi problemi olub. Hamiləliyin 20 həftəliyində diaqnostika uşağın onurğasında qüsur aşkarlayır.
Həkimlər qadına hamiləliyi sonlandırmasını təklif edirlər. Lakin Betan etiraz edib. Sonunda uşağı ana bənində əməliyyat etməyə razı olublar. Həmin əməliyyat üsulu Britaniyada tətbiq olunmadığı üçün ingiltərəli valideynlər Belçikaya üz tutublar.
Əməliyyata razılıq almaq üçün ana ciddi testlərdən keçməli olub. Nəticələr qənaətbəxş olduqdan sonra həkimlər işə başlayıblar. Hamiləliyinin 24-cü həftəsində olan Simpson 2 ay sonra doğum etməliydi. Xoşbəxtlikdən əməliyyat uğurla başa çatıb, körpənin problemi aradan qaldırılıb.
Sfera.az
