Səyyar oftomologiya qatarı işə düşür – Kimlər faydalana biləcək?
13:51 / 08.05.2018
2227
Bu gündən etibarən Akademik Zərifə Əliyeva adına Milli Oftalmologiya Mərkəzinin səyyar qatarı fəaliyyətə başlayır.
Sfera.az xəbər verir ki, bu haqda Azərbaycan Respublikasının Səhiyyə Nazirliyi məlumat yayıb. Məlumata görə mərkəzinin səyyar qatarı bu dəfə Astarada pasientlərə tibbi xidmət göstərəcək.
Müayinələr 09.05.2018-ci il tarixində saat 9:00 dan etibarən Astara rayon Dəmir yol vağzalında Milli Oftalmologiya Mərkəzinin səyyar qatarında təşkil ediləcək.
Məqsəd operativ şəkildə astaralı vətəndaşları müayinə-müalicə, hətta cərrahi əməliyyat etmək, problemlərlə üzləşən və ciddi əməliyyata ehtiyacı olan xəstələri paytaxtda yerləşən Akademik Zərifə Əliyeva adına Milli Oftalmologiya Mərkəzinə gəlmələrinə şərait yaratmaqdır. Qeyd edək ki, səyyar Qatar xidməti bu ayın 12-sinədək fəaliyyət göstərəcək.
Sfera.az
