Toz-dumanlı hava sizi xəstə edə bilər - Qorunmaq üçün nə etməli?
Sağlıq
11:47 / 19.04.2018
3902
Ekologiya və Təbii Sərvətlər Nazirliyinin (ETSN) Ətraf Mühit üzrə Milli Monitorinq Departamentinin məlumatına görə, bu gün Bakı və Abşeron yarımadasında tozun miqdarı sanitar normadan 30 faiz yuxarı olduğu qeydə alınıb.
Ərəbistan yarımadasından gələn bu toz kütləsi isə insanların səhhəti üçün kifayət qədər zərərlidir.
Gigiyena və Epidemiologiya Mərkəzinin şöbə müdiri Ziyəddin Kazımov Sfera.az-a açıqlamasında bildirib ki, belə hava şəraitində xüsusilə də, risk qrupunda olan xəstələr diqqətli olmalıdırlar:
"Bu cür hava şəraiti insanların səhhəti üçün çox zərərlidir. Tövsiyə edirik ki, belə hava şəraitində insanlar xüsusilə, gözlərini qorusunlar. Bunun üçün gün eynəklərindən istifadə etsinlər. Mümkündürsə, bu cür hava şəraitində evdən çölə çıxmasınlar. Tozlu hava xüsusən də, nəfəsyolu xəstəliklərindən əziyyət çəkən insanlar üçün təhlükəlidir. Bu cür xəstələrə xüsusi diqqət lazımdır. Risk qrupu xəstələri, astma xəstələri belə havada diqqətli olmalı, özlərini qorumalıdırlar”.
Nigar Məhərrəm
Sfera.az
