Həftədə iki dəfə bunu etmək insan ömrünü 9 il uzadır - İngiltərəli alimlər açıqladı

Bəlkə də bu günə kimi bir çox qida və ya idman hərəkətinin ömrü uzatdığı barədə məlumat oxumusunuz. Ancaq ingiltərəli alimlərin apardıqları araşdırmaların nəticəsi göstərir ki, uzun ömürlü olmağın sirri təkcə bunlarda gizli deyil.

Sfera.az xarici mətbuata istinadən bildirir ki, Goldsmith Universitetinin professorları tərəfindən aparılan araşdırmalar mütəmadi olaraq konsertə getməyin insan ömrünə müsbət mənada təsir etdiyini üzə çıxarıb.

 

Bildirilib ki, konsert və ya hər hansı səhnə şousunu 20 dəqiqə izləmək insanın xoşbəxtlik hissini 21 faiz artırır. Daha öncəki araşdırmalar xoşbəxtlik hormonlarının insan ömrünü 9 ilə qədər uzatmağa qadir olduğunu sübuta yetirmişdi. Odur ki, konsertə gedərək bu nəticəni əldə etmək olduqca asandır. Araşdırmanın rəhbəri Patrik Faqan bildirib ki, xoşbəxtlik hormonlarının daim üst səviyyələrdə qalması üçün həftədə iki dəfə konsertə getmək və ya sevimli başqa əyləncəli fəaliyyətlərə (teatr tamaşası, film və s.) vaxt ayırmaq lazımdır.

Lalə Nəsirova