Yağlı yeməklər beyin hüceyrələrini öldürür?
Sfera.az xarici mətbuata istinadən bildirir ki, yeni aparılan araşdırmalar yağlı yeməklərin beyin hüceyrələrini öldürdüyünü üzə çıxarıb.
Siçanlar üzərində aparılan uzunmüddətli təcrübələr də bu faktı təsdiq edib.
Alimlər bildirirlər ki, yağlı xörəklərə üstünlük verənlərin beyni daha tez yaşlanır, onlarda bir çox xəstəliklər müşahidə edilir. Beyin hüceyrələrinin ölməsi ilk növbədə bir sıra əlamətlərlə özünü biruzə verir. Belə insanlar diqqət pozuqluğu yaşayır, adları xatırlamaqda çətinlik çəkir, daim yuxulu hiss edirlər.
Yaxşı xəbər isə sağlam həyat tərzinə keçib, yağlı qidalardan uzaq durduqda beynin sürətlə özünü bərpa etməsidir. Siz də yaddaşsızlıqdan, diqqətinizi cəmləyə bilməməkdən şikayətçisinizsə, dərhal qidalanma tərzinizi dəyişdirin.
