Ayaqlar üçün vanna
19:31 / 24.06.2017
2341
Ayaqları suda saxlamaq öskürəyin itməsinə, orqanizmdə yığılan toksinlərin qısa müddətdə xaric edilməsinə, siqaretin bədəndə topladığı zəhəri bir qədər azaltmağa imkan verir. Bəzən soyuqdəymə ilə əlaqədar yaranan öskürək və ciyərlərdə toplanan bəlğəm çox narahatlıq yaradır, eyni zamanda kimyəvi maddələrin yüksək təsirinə məruz qalmağa səbəb olur.
Sfera.az AZƏRTAC-a istinadən bildirir ki, heç bir dərmandan istifadə etmədən həmin problemlərin sadə üsulla həlli yolu var. Ayaqları yandırmayacaq dərəcədə isti suda saxlamaq bu sahədə çox faydalı təsirə malikdir. Suda saxlama müddəti 25-30 dəqiqə arasında olmalıdır. Su ilıqlaşanda ayaqları vannadan çıxarıb yenidən isti su əlavə etmək lazımdır. Həmin üsulun bir neçə gün fasilə ilə təkrar edilməsi yolu ilə xroniki öskürək, bəlğəm və orqanizmdə siqaretin yaratdığı toksinlərdən xilas olmaq mümkündür.
