Hamiləlik dövründə bu qidaları dayandırmaq risklidir
Vegetarianlıq Omeqa 3-6 çatışmazlığına səbəb ola bilər. Bu, hamiləlik dövründə xüsusilə təhlükəlidir, çünki uşağın zehni qabiliyyətlərinə təsir göstərə bilər.
Sfera.az xəbər verir ki, bunu rusiyalı məşhur ginekoloq Yuliya Moskviçeva bildirib.
"Omeqa-3-lər qoz-fındıq, toxum və bitki yağlarında olsa da və vegetarianlar bu qidaları öz rasionlarına daxil etsələr də, araşdırmalar göstərir ki, bu həmişə kifayət etmir. Çoxlu doymamış yağ turşularının əhəmiyyətli mənbələrinə yağlı balıqlar və dəniz məhsulları daxildir. Anada Omeqa-3 çatışmazlığı uşağa mənfi təsir göstərə bilər".
Həkim onu da vurğulayıb ki, sadalanan risklər gələcək anaları qorxutmamalı, onları qidalanmaya ciddi yanaşmağa sövq etməlidir.
"Vegeterianlar çox vaxt sağlamlıqlarına diqqətlə nəzarət edən və mütəxəssislərin tövsiyələrinə əməl edən qadınlardır. Gələcək analar üçün vitamin və mineral əlavələrin qəbulu və xüsusi qidalanma hər hansı çatışmazlıqları örtməyə kömək edir", - deyə həkim yekunlaşdırıb.
İnci
