Yeddi il yalnız toyuq yeyən qız hipnozla müalicə olundu — Fotolar
Doqquz yaşlı britaniyalı məktəbli Livana yeddi il ərzində yalnız “McDonald's”dan toyuq filesi (naqqets) ilə qidalanıb. Ona nadir yemək pozğunluğu — ARFID (Avoidant/Restrictive Food Intake Disorder) diaqnozu qoyulub.
Sfera.az xəbər verir ki, hipnoterapiya seansından sonra Livana ilk dəfə meyvə və tərəvəz dadmağa başlayıb.
Uşağın anası, Koventridən olan 35 yaşlı Kelli, jurnalistlərə qızının qeyri-adi yemək vərdişləri ilə uzunmüddətli mübarizəsindən danışıb. Onun sözlərinə görə, bu problem Livanada hələ 18 aylıq ikən başlayıb:
“O, bütün həyatı boyu yalnız toyuq sinəsi yeyirdi. Hər gün eyni menyu — ona təklif edə biləcəyim yeganə qida bu idi”.
Dəyişməyən rasion və gündəlik çətinliklər
Kelli ayda təxminən 110 funt sterlinqi yalnız toyuq filesinə xərcləməyə məcbur olub. Bayram günlərində belə Livananın menyusu dəyişməyib. Tibbi müayinələr heç bir fiziki problem aşkar etməsə də, ana illərlə qızının menyusunu genişləndirməyə çalışıb. Lakin bütün cəhdlər nəticəs qalıb. Həkimlər bildirib ki, qıza meyvə və tərəvəz təqdim etməyə çalışıblar, amma Livana uzun müddət yemək yemədən yaşayıb. Nəyi yeməyə cəhd etsə sonradan onu tüpürüb.
Dönüş nöqtəsi və hipnoterapiya seansı
Yay aylarında Livana restoranda adi toyuq külçəsini belə uda bilmədiyi zaman vəziyyət kritik həddə çatıb. Həkimlər boru ilə qidalanma ehtimalını gündəmə gətiriblər. Ailə son çarə olaraq koqnitiv davranışçı hipnoterapist David Kilmurriyə müraciət edib. Mütəxəssis Livanaya ARFID diaqnozu qoyub.
“45 dəqiqəlik seansdan sonra, həyatında bir dəfə belə meyvə yeməyən qız üzüm uddu — mən buna inana bilmədim. Həmin gün 18 fərqli meyvəni sınadı”, — deyə Kelli bildirib.
Yeni həyat, yeni menyu
Hazırda Livana səhər yeməyi üçün taxıl, naharda pizza və ya tost, axşam yeməyində isə tərəvəz yeyir. Hipnoterapist David Kilmurri nəticələri belə şərh edib:
“Liv bizə əla əhval-ruhiyyə ilə gəldi və onun normal yemək yeməyə başladığını görmək həqiqətən sevindiricidir”.
Həkimlər bildirir ki, bu hekayə sadəcə bir qidalanma problemi deyil - o, psixoloji yanaşmanın gücünü və alternativ müalicə metodlarının effektivliyini göstərir.
Xanım
