ChatGPT-nin pəhriz məsləhətindən sonra nadir psixiatrik pozuntu yarandı
ChatGPT-nin pəhriz tövsiyələrinə əməl edərək duz istehlakını tamamilə dayandıran 60 yaşlı kişidə 19-cu əsrdə nadir rastlanan xroniki bromid zəhərlənməsini aşkarlanıb. AI-nin natamam sağlamlıq xəbərdarlığı səbəbindən o, ciddi psixiatrik və fiziki simptomlarla xəstəxanaya yerləşdirilib.
Sfera.az təfərrüatları təqdim edir.
Son illərdə süni intellektə həddən artıq güvənməyin təhlükələri bir daha üzə çıxıb.
60 yaşlı kişidə ChatGPT-nin pəhriz tövsiyələrinə əməl edərək duz istehlakını tamamilə aradan qaldırdıqdan sonra 19-cu əsrdə yayılmış, lakin bu gün nadir hallarda rast gəlinən xroniki bromizm zəhərlənməsinə rast gəlinib.
Həddindən artıq natrium xlorid (xörək duzu) istehlakının orqanizmə mənfi təsirləri haqqında çoxsaylı məqalələri oxuduqdan sonra kişi duzu rasiondan tamamilə çıxarmağa qərar verib.
Süni intellektdən (AI) istifadə edərək, o, ChatGPT-dən duz əvəzediciləri haqqında soruşub və təklif olunan tövsiyələrə əməl etməyə başlayıb.
Təxminən üç aylıq bu pəhrizdən sonra kişi qonşusunun onu zəhərləməyə çalışdığına dair paranoyak düşüncələrlə xəstəxanaya gedib.
O, yeni üz sızanaqları və qırmızı damar ləkələri, yorğunluq, yuxusuzluq, həddindən artıq susuzluq, koordinasiya və dəri səpgiləri, həmçinin artan paranoyya, vizual və eşitmə qarabasma kimi fiziki simptomlar yaşamağa başlayıb. Qaçmağa cəhd etdikdən sonra “ağır əlillik” səbəbindən məcburi psixiatrik müalicəyə cəlb edilib.
Əlavə araşdırmadan sonra müəyyən edilib ki, həmin şəxs ChatGPT-lə yazışmada duz əvəzedicisi kimi tövsiyə edilən natrium bromidi qida rasionuna əlavə edib.
Bununla belə, natrium bromid təmizləmə kimi sənaye məqsədləri üçün istifadə edilən bir tərkib hissəsidir və insan istehlakı üçün qətiyyən tövsiyə edilmir.
Aysel
