Payızın yaxınlaşması ilə həm qida sənayesində, həm də ev şəraitində pomidor pastası və konserv məhsullarının istehsalı intensivləşib. Bir çox insan yayda yetişən tərəvəz və meyvələrdən müxtəlif üsullarla qış üçün konservlər hazırlayır.

Sfera.az bildirir ki, xarici mütəxəsislər bu barədə araşdırma aparıb və vətəndaşları konserv məhsulları hazırlayarkən diqqətsizlik nəticəsində ortaya çıxa biləcək təhlükələr barədə xəbərdar edib.

“EVDƏ HAZIRLANMASINI TÖVSİYƏ ETMİRİK”

Konservləşdirmə prosesinin çox qədim tarixə malik olduğunu qeyd olunur:

“Soyuducu və dondurucuların olmadığı dövrlərdə məhsulların xarab olmasının qarşısını almaq üçün istifadə edilən bir üsul idi. Lakin düzgün və diqqətlə aparılmadıqda ölümə səbəb olan hallarla qarşılaşmaq mümkündür. ‘Clostridium botulinum’ adlanan mikroorqanizm səbəbilə pomidor, bibər kimi məhsullardan hazırlanan konservlər bəzi hallarda ölümcül nəticələrə gətirib çıxarır. Bu bakteriyanı məhv etmək üçün məhsul 120 dərəcədən yüksək temperaturda qaynadılmalıdır. Bu isə evdə istifadə olunan adi qazanlarla mümkün olmur. Sənaye konservlərində qapalı avtoklav sistemlərində bu temperatur təmin edilir. Ev şəraitində bu bunu etmək çox çətindir. Buna görə də biz evdə konserv hazırlanmasını tövsiyə etmirik.”

“AÇILMIŞ KONSERV 2 GÜN ƏRZİNDƏ İSTİFADƏ OLUNMALIDIR”

Evdə konserv hazırlamaq istəyənlərə tövsiyələr verilib:

“Xüsusilə istifadə olunan məhsulun və qabların təmizliyinə diqqət yetirilməlidir. Şüşə bankalar mütləq təmiz olmalıdır. Qapaqların ikinci dəfə istifadəsini tövsiyə etmirik, çünki onların contasının funksiyası pozula bilər. Məhsul qaynadıldıqdan sonra sürətlə soyudulmalıdır. Daha sonra günəş görməyən sərin bir məkanda saxlanmalıdır. İstifadə olunacaq bankanın qapağı şişkin və ya sızdıran olmamalıdır. Bu, sənaye məhsulları üçün də keçərlidir. Əgər bankanın içində hava qabarcıqları və ya köpüklənmə görürsünüzsə, qətiyyən istifadə etməyin. Açılmış konserv maksimum 2 gün ərzində istifadə olunmalıdır. Əks halda, bir çox bölgədə rast gəldiyimiz ölüm hallarına səbəb ola bilər.”

Mədə bulantısı, ishal, qusma və hərarət kimi əlamətlərin qida zəhərlənməsi simptomları olduğunu vurğullanıb:

“Belə bir vəziyyətlə qarşılaşdıqda mütləq həkimə müraciət edilməlidir. Biz ‘mütləq sənaye məhsullarından istifadə edin’ demirik, lakin evdə hazırlanacaq konservlərdə gigiyena qaydalarına mümkün qədər riayət olunması çox vacibdir.”

Gülər

Qışa hazırlıq faciəyə çevrilməsin: Ev konservləri ilə bağlı təhlükə siqnalı