Bu xəstəliklər ağciyər xərçəngi riskini azaldır - Tədqiqat
Amerikalı alimlərin apardığı araşdırmaya görə, allergik rinit və ekzema ağciyər xərçəngi riskini azalda bilər.
Sfera.az xəbər verir ki, tədqiqat 3,8 milyondan çox insanı əhatə edən 10 əvvəlki araşdırmanın məlumatlarına əsaslanıb.
Nəticələrə görə, allergik rinit xərçəng riskini 26% azaldır. Kişilərdə ekzema, qadınlarda isə ümumi allergik meyl qoruyucu təsir göstərib. Rinitin qadınlarda təsiri statistik olaraq əhəmiyyətli sayılmayıb.
Alimlər bu təsiri immun sisteminin aktivləşməsi ilə əlaqələndirirlər. Allergiya zamanı istehsal olunan immunoglobulin E antikorları bədxassəli hüceyrələri də erkən mərhələdə məhv edə bilər.
Bununla belə, bəzi nəzəriyyələr uzunmüddətli immun stimullaşmanın mutasiyalara səbəb ola biləcəyini bildirir. Alimlər əlavə araşdırmalara ehtiyac olduğunu vurğulayırlar.
Fidan Hacızadə
Sfera.az
