Bu vitaminin çatışmazlığı COVID-19 riskini artırır

Cənubi Avstraliya Universiteti və London Kral Kollecinin alimləri müəyyən edib ki, D vitamini səviyyəsinin aşağı olması COVID-19 virusuna yoluxanların bu xəstəliyi ağır keçirməsinə səbəb olur. 

Sfera.az xəbər verir ki, təhlillərə İngiltərənin sağlamlıq məlumatları toplanmış 151 543 nəfərin göstəriciləri daxil edilib. 

Məlum olub ki, koronavirus infeksiyasına yoluxduqda D vitamini çatışmazlığı olan insanlar, bu vitamini normal səviyyədə olanlara nisbətən xəstəxanaya yerləşdirilmə riskinə daha çox məruz qalır. 

Alimlərin fikrincə, D vitamini immun sisteminin tənzimlənməsində mühüm rol oynayır və onun çatışmazlığı bədənin infeksiyalara qarşı müdafiəsini zəiflədə bilər. 

Tədqiqatçılar qeyd edirlər ki, COVID-19 hələ də qlobal sağlamlıq üçün ciddi təhdid olaraq qalır və risk faktorlarının müəyyənləşdirilməsi insanlara özlərini daha effektiv qorumağa kömək edə bilər.

“D vitamini səviyyəsinin vaxtında yoxlanılması və nəzarətdə saxlanılması, sağlamlığın qorunması üçün vacib strategiyalardan biri ola bilər”, – deyə araşdırmanın müəllifləri vurğulayırlar.

Fidan Hacızadə
Sfera.az