İnfeksiyalar insan ölümünü 60 faiz artıracaq – Tədqiqat

Böyük Britaniya hökumətinin maliyyələşdirdiyi yeni tədqiqat göstərir ki, antibiotiklərin təsirinə qarşı dözümlü olan bəzi zərərli mikrooqrqanizmlər gələcəkdə insan ölümlərinin sayının 60 faiz artmasına səbəb olacaq. Bu dəyişiklik işçi qüvvəsinə və qlobal iqtisadiyyata zərər vuracaq.

Sfera.az xəbər verir ki, zərərli mikrooqrqanizmlərin antibioteklərə qarşı dözümlülüyü antimikroblara qarşı müqavimət (AMR) termini adlanır. 

Proqnozlara görə, 2050-ci ilə qədər AMR göstəricisinin yüksəlməsi səbəbindən dünyada milyonlarla insan öləcək və iqtisadiyyata illik 2 trilyon dollara yaxın ziyan dəyəcək.

Məlumatına görə, ən çox ölüm ABŞ-də (illik 1,34 milyon), Böyük Britaniyada (184 min) olacağı proqnozlaşdırılır.

Antibiotiklərə davamlı infeksiyalar daha uzun və baha müalicələrə səbəb olur. Bu infeksiyaların müalicəsi adi infeksiyalara nisbətən iki dəfə bahalıdır.

Qlobal İnkişaf Mərkəzindən Entoni MakDonnell xəbərdarlıq edib ki, hətta AMR-lə mübarizədə irəliləmiş ölkələr belə arxayın ola bilməz. Yardım proqramlarının kəsilməsi daha böyük risklər yaradır.

Əgər ölkələr AMR-lə mübarizəyə daha çox investisiya ayrılarsa, ABŞ ildə 156,2 milyard, Böyük Britaniya isə 12 milyard dollar iqtisadi qazanc əldə edə bilər.

Fidan Hacızadə
Sfera.az