İdeal evlilik yaşı açıqlanıb - "Evlənməyin də öz vaxtı var"

“Tənhalıq insana xas bir xüsusiyyət deyil. Bir insan ailə qurarkən bunun necə məsuliyyətli bir iş olduğunu dərk etməlidir”.

Sfera.az Teleqraf-a istinadən xəbər verir ki, bunu Səhiyyə Nazirliyinin rəsmi İnstaqram hesabında canlı yayımda nazirliyin 2 nömrəli Klinik Psixiatriya Xəstəxanasının Baş həkimi Leyla Bəşirova açıqlayıb.

Onun sözlərinə görə, həyatda ən mühüm qərarlardan biri ailə qurmaqdır və düzgün seçim ən əhəmiyyətli şərtdir:

“Hər şeyin bir vaxtı olduğu kimi, evlənməyin də öz vaxtı var. Lakin sırf evlilik yaşı gəlib deyə uyğun olmayan biri ilə ailə qurmaqda düzgün fikir deyil. Yaş ötdükdən sonra ailə quranların bir-birinə uyğunlaşması çətin olur. Çünki yaş artdıqca artıq şəxsiyyət formalaşır, xasiyyətlər möhkəmlənir, xarakter və fikirləri dəyişmək çətin olur. Evlənməyə qərar verən şəxs bunun nə qədər məsuliyyətli olduğunu dərk etməli və özünü buna tam hazır hesab etdiyi, seçiminin düzgün olduğundan tam əmin olduğu zaman bu addımı atmalıdır”.