Əhalinin davamlılığı üçün məhsuldarlıq artırılmalıdır - Mask
Dünyanın ən varlı şəxsi olan və 14 uşaq atası olan İlon Maskın illərdir “sivilizasiya üçün ən böyük təhlükə” kimi təqdim etdiyi əhali azalması ilə bağlı xəbərdarlıqları yeni elmi araşdırma ilə daha da aktuallaşıb.
Sfera.az “Sözcü” nəşrinə istinadən xəbər verir ki, “PLOS One” jurnalında dərc olunan tədqiqata əsasən, uzun müddətdir davamlı əhali artımı üçün standart kimi göstərilən qadın başına 2,1 doğuş nisbəti artıq kifayət etmir.
Yeni araşdırma bu rəqəmin ən azı 2,7-yə yüksəldilməli olduğunu göstərir.
Tədqiqatçılar bildirirlər ki, əvvəlki hesablamalarda ölüm hallarının, cins nisbətindəki disbalansların, bəzi insanların heç vaxt uşaq sahibi olmamasının və ailə ölçüsündəki dəyişikliklərin təsiri nəzərə alınmayıb. Araşdırmanın həmmüəllifi Diane Cuaresma bu məsələ ilə bağlı deyib:
“Mübarizlik, ölüm və cins nisbətlərindəki təsadüfiliyi nəzərə alsaq, daha yüksək məhsuldarlıq tələb olunur”.
Bəzi ekspertlər isə Maskın bu mövzuda ifrat narahatlıq göstərdiyini düşünür. BMT-nin Əhali Departamentinin keçmiş rəhbəri Cozef Camie məsələyə fərqli yanaşaraq bildirib ki, Mask avtomobil istehsal etməkdə daha yaxşıdır və əlavə edib ki, dünya əhalisi 2080-ci illərə qədər artacaq, yalnız 2100-cü ildən sonra azalma müşahidə oluna bilər.
ABŞ-dan Nyu-Hempşir Universitetinin tədqiqatçısı Ken Conson isə ABŞ-da doğum nisbətinin azalmasını əsasən yeniyetmələr arasında hamiləliyin azalması ilə əlaqələndirib və bu dəyişikliyi müsbət tendensiya kimi qiymətləndirib.
Fidan Hacızadə
Sfera.az
