Şəkərdən imtina mühüm dəyişiklər yaradır - Həkim məsləhəti

ABŞ-li sağlamlıq mütəxəssisi Erik Berq cəmi iki həftə şəkəri həyatınızdan çıxardıqda bədən və zehində ciddi dəyişikliklərin baş verəcəyini açıqlayıb. Onun sözlərinə görə, bu qısa müddətli “şəkər detoksu” sərt pəhrizlərə ehtiyac qalmadan vücudu yeniləməyə imkan verir.

Sfera.az xarici mediaya istinadən xəbər verir ki, mütəxəssis qeyd edir ki, şəkərsiz 14 gün ərzində bir sıra mühüm dəyişikliklər müşahidə olunur:

    •    Şəkərə olan istək azalır: Beyində dopamin balansı bərpa olunur və ani şəkər istəkləri azalır.
    •    İştah normallaşır: Şəkərdən uzaqlaşdıqda insulin səviyyəsi stabilləşir, nəticədə daha uzun müddət tox qalmaq mümkün olur.
    •    Enerji davamlı olur: Bədən enerjini yağlardan əldə etməyə başlayır, günorta yorğunluğu aradan qalxır.
    •    Arıqlama baş verir: Su yığılması azalır və bədən yağ yandırmağa başlayır, xüsusən də bel ətrafında incəlmə görünür.
    •    Dəri sağlamlaşır: İltihab azaldığından dəri daha parlaq və hamar olur.
    •    Zehni aydınlıq yaranır: Beyin ketonlara keçdiyi üçün yaddaş və diqqət güclənir.
    •    Şişkinlik və ağrılar azalır: İltihab göstəriciləri aşağı düşür, baş və oynaq ağrıları yüngülləşir.

Berq vurğulayıb ki, şəkərdən qısamüddətli imtina dedikdə  yalnız şirniyyatlardan deyil, səhər yeməyi məhsulları, meyvə şirələri, souslar və emal olunmuş digər qidalardakı gizli şəkərlərdən də uzaq durmaq vacibdir.

Mütəxəssis bu qısa müddətli şəkərsiz həyat tərzinin həm fiziki, həm də zehni sağlamlıq üçün ciddi müsbət təsirlər yarada biləcəyini bildirib.
Bəsti Rəfizadə