Bu amil gənclərdə beyin inkişafına təsir edir
Elm adamları, gənclərin yuxu keyfiyyətinin beyin inkişafı üzərində əhəmiyyətli təsir göstərdiyini müəyyən ediblər. İngiltərə və Çindən olan araşdırmaçılar, 9-14 yaş arasındakı 3 222 gəncin yuxu vərdişlərini araşdırıb.
Sfera.az xəbər verir ki, tədqiqatın nəticələrinə görə, yuxu müddəti arasında böyük fərqlər olmasa da, ən yaxşı yatan gənclər, testlərdə oxuma, problem həlli və fokuslanma kimi sahələrdə daha yüksək nəticə göstəriblər.
Gənclər üç qrupa ayrılıb: ən pis yuxu vərdişlərinə sahib olanlar (orta hesabla 7 saat 10 dəqiqə), ən yaxşı yatanlar (7 saat 25 dəqiqə) və orta səviyyədə yatanlar (7 saat 21 dəqiqə). Araşdırmanın nəticələrinə görə, ən yaxşı yatan gənclər, daha böyük beyin həcminə, daha aşağı ürək döyüntüsünə və daha güclü beyin əlaqələrinə sahib olublar.
Kembric Universitetinin professoru Barbara Sahakian “Yuxu müddətləri arasındakı fərq kiçik olsa da, beyin strukturu və performansında əhəmiyyətli dəyişikliklər müşahidə etdik”,- deyə bildirib. Mütəxəssislər, nizamlı yuxu vərdişlərinin yeniyetmələrin beyin inkişafı üçün kritik rol oynadığını bildiriblər.
Bəsti Rəfizadə
