Kondisionerin qabağında oturub “ay allah” demək yay aylarında hamımızın adi bir vərdişdir, lakin günün sonunda özünüzü zəif hiss edirsinizsə, baş ağrısı və ya boğazınız yanırsa, tək deyilsiniz. Bəziləri kondisionerin birbaşa üzünə dəyməsindən narahat olduqlarını desələr də, bəziləri otaqdan çıxarkən sanki üzərlərinə bir yük düşmüş kimi hiss edirlər. Avtomatik olaraq insanın ağlına “Xəstələnirəm?" sualı gəlir. Maraqlısı odur ki, bu hisslərin bəziləri tamamilə real fizioloji təsirlərdir.

Sfera.az bildirir ki, əslində, "kondisioner şoku" dediyimiz tibbi diaqnoz deyil, lakin kondisionerə uzun müddət məruz qalmanın bədənə təsir etməsi şübhəsizdir.

Xüsusilə hava sirkulyasiyası qeyri-kafi olan qapalı yerlərdə “xəstə bina sindromu” adlı bir vəziyyət yarana bilər. Bu mühitlərdə işləyən və ya vaxt keçirən fərdlərdə baş ağrısı, ürəkbulanma, yorğunluq və konsentrasiyada çətinlik kimi əlamətlər ola bilər. Səbəb adətən filtrlərin vaxtaşırı təmizlənməməsi, içəridə çirkli havanın dövr etməsi və rütubət balansının pozulmasıdır. Xüsusilə kondisionerin daim istifadə olunduğu iş yerlərində təsirlər çox olur.

Kondisionerlərin yalnız ətraf mühiti sərinlədiyini düşünürsünüzsə, çox yanılırsınız. Niyə?

Kondisionerlər havadakı rütubəti də azaldır. Bu vəziyyət dərinin quruması, dodaqların çatlaması, gözlərin yanması və ya bulanması kimi simptomlara səbəb ola bilər. Uzun müddət kondisionerli mühitlərdə qalan insanlarda dehidrasiya fərq edilmədən arta bilər.

Xüsusilə göz quruluğundan əziyyət çəkənlər və ya kontakt linzalardan istifadə edənlər bu təsirləri daha sıx hiss edə bilərlər. Yay aylarında sərinləşən zaman rütubətin olmaması ən çox görülən şikayətlərdən birinə çevrilib.

Kondisioner düzgün istifadə edildikdə çox təsirli bir vasitədir, lakin yanlış istifadənin təsirləri də gözardı edilməməlidir.

Yüksək hərarət xüsusilə yaşlılar və xroniki xəstəlikləri olan şəxslər üçün ciddi risk yarada bilsə də, kondisioner bu nöqtədə həyat xilasedici rol oynayır. Bədən istiliyi yüksəldikdə, istilik tükənməsi və sonra istilik vuruşu baş verə bilər. Buna görə də istilik dalğaları zamanı kondisionerdən istifadə xüsusilə vacibdir. Lakin cihaz təmizlənmədikdə, ətraf mühitdə hava axını təmin edilmədikdə və temperatur çox aşağı təyin olunarsa, sağlamlığa mənfi təsirlər müşahidə edilə bilər. Bir sözlə, dozanı yaxşı tənzimləmək lazımdır.

Aysel

İstilər yaxınlaşır: Kondisioner şoku deyə bir şey varmı?