Ağır yuxulardan necə xilas olmaq olar? - Həkim məsləhəti

Gün ərzində qazanılan stresslər gecə vaxtı yuxuların "məzmun"una təsir edir. İnsanlar stressə müxtəlif yollarla reaksiya versələr də, beyinin reaksiyası əsasən yuxuda olduqda özünü göstərir.

Sfera.az xarici mediaya istinadən xəbər verir ki, bunu Amerikalı yuxu tədqiqatçısı və nevroloq Uilyam Kristofer Vinter öz rəyində bildirib.

O qeyd edib ki, bir çox insan son zamanlar canlı, rəngli və qorxulu yuxularla qarşılaşır. Həkimin rəyinə əsasən, yuxular xüsusilə də kabuslar psixoloji travmaların göstəricisi ola bilər. “Yuxular, beynimizə açılan kiçik pəncərədir”, – deyən Vinter  vurğulayıb ki, yuxuların səbəbi təkcə stress deyil. Vinter söyləyib ki, melatonin, yuxusuzluq, spirt istifadəsi və yuxu apnesi kimi amillər də buna səbəb ola bilər:

"Kabuslar isə tez-tez narahatlıq və qorxu ilə əlaqəli olur. Gecənin ortasında bu cür yuxularla oyanmaq yuxuya qayıtmağı çətinləşdirə bilər. Üstəlik, stress yuxunun keyfiyyətini azaldaraq daha tez-tez oyanmanıza səbəb ola bilər və bu da bədənin ehtiyac duyduğu dərin istirahəti pozur".

Həkim tövsiyə edir ki, normal yuxu rejimini keçirtmək üçün istirahətə etmək, yüngül idman etmək, kitab oxumaq, yazı yazmaq faydalıdır. Vinter hesab edir ki, həftədə üç dəfə 15 dəqiqə gündəlik yazmaq stressi əhəmiyyətli dərəcədə azalda bilər.

    
Fidan Hacızadə