Mahsun Kırmızıgül xəstəxanaya yerləşdirildi

Türkiyənin tanınmış müğənnisi və rejissoru Mahsun Kırmızıgül son aylarda yaşadığı ardıcıl itkilərlə sarsılıb. 

Sfera.az Türkiyə mediyasına istinadən xəbər verir ki, sevdiklərinin bir-birinin ardınca dünyasını dəyişməsi sənətçiyə ağır zərbə olub. Kırmızıgül, ürək döyüntülərindəki narahatlıq səbəbilə İstanbul Bakırköy Dr. Sadi Konuk Təhsil və Araşdırma Xəstəxanasına yerləşdirilib.

2024-cü ilin 6 dekabrında anası Faike Bezenciri itirən Kırmızıgül, daha sonra ögey anası Zühre Bazencirin vəfatı ilə böyük kədər yaşayıb. Bu hadisələrin ardından 13 mart tarixində yaxın dostu Serşat Erbilginin ölümü də sənətçini dərindən sarsıdıb. Son olaraq, sevimli sənətçiləri Edip Akbayram və Volkan Konakın vəfat xəbərləri Kırmızıgülə psixoloji olaraq təsir edib.

Kardiologiya şöbəsində aparılan tibbi müayinələr nəticəsində Kırmızıgülün ürəyi ilə bağlı narahatlıqlarının fiziki səbəbdən qaynaqlanmadığı, nəticələrin normal olduğu bildirilib.

Mahsun Kırmızıgül yaşadıqlarını sosial media hesabında bu sözlərlə ifadə edib:

“Ürəyim ağrıyır, ard-arda itkilər ürəyi parçalayır”.

Həkimlərin nəzarətindən sonra sənətçinin vəziyyətinin yaxşı olduğu və istirahət etməsinin tövsiyə edildiyi bildirilib.

Fidan Hacızadə