Bill Qeyts xəbərdarlıq etmişdi, reallığa çevrildi
COVID-19 pandemiyasından sonra dünya yenidən yoluxucu xəstəliklərlə mübarizə aparmaqda çətinlik çəkir. "Microsoft"un qurucusu Bill Qeytsin illər əvvəl etdiyi xəbərdarlıqlar bir-bir reallaşmağa başlayır.
Sfera.az xarici mediaya istinadən xəbər verir ki, Bill Qeyts 2015-ci ildə etdiyi insanlığı təhdid edən ən böyük təhlükənin müharibələr deyil, sürətlə yayılan bir virus olacağını bildirmişdi.
O vaxt geniş diqqət çəkməyən bu xəbərdarlıq, COVID-19 pandemiyası ilə gerçəyə çevrildi. Pandemiya zamanı səhiyyə sistemləri çökdü, ölkələr arasında koordinasiya təmin olunmadı və dezinformasiya sürətlə yayıldı. Nəticədə milyonlarla insan həyatını itirdi, iqtisadiyyatlar ciddi zərər gördü və dünyada sosial böhran baş verdi.
2022-ci ildə yenidən açıqlama verən Qeyts, əvvəlki çıxışını xatırladaraq dünya liderlərini gələcək pandemiyalara qarşı hazırlıqlı olmağa çağırdı. O, səhiyyə sistemlərindəki boşluqları, təlimli kadr çatışmazlığı, erkən xəbərdarlıq sistemlərinin olmaması və çevik müdaxilə planlarının yoxluğunu əsas narahatlıqlar kimi göstərib.
Bill Qeyts gələcəkdə bənzər böhranların qarşısını almaq üçün qlobal səviyyədə sürətli müdaxilə qruplarının yaradılmasını, peyvənd araşdırmalarına daha çox sərmayə qoyulmasını və xəbərdarlıq sistemlərinin gücləndirilməsini təklif edib.
Ekspertlər bildiriblər ki, əgər bu tədbirlər vaxtında görülməzsə, dünya növbəti səhiyyə böhranına qarşı yenidən hazırlıqsız yaxalana bilər. Bill Qeytsin illər əvvəl etdiyi xəbərdarlıqlar bu gün daha ciddi qəbul edilir və qlobal səhiyyə sistemlərinin təkmilləşdirilməsi insanlığın gələcəyi üçün vacib sayılır.
Bəsti Rəfizadə
