Diş əti xəstəliklərindən və diş çürüklərindən qorunmaq üçün dişləri gündə ən az iki dəfə fırçalamaq lazımdır, amma dişləri fırçalayanda diş fırçasını islatmamaq lazımdır.

Sfera.az deyerler.org-a istinadən bildirir ki, Diş Həkimləri Cəmiyyətinin sədri stomatoloq Zəfər Kazak bu barədə xəbərdarlıq edib: "Diş fırçası diş və dişəti birləşməsinə 45 dərəcə bucaq altında yerləşdirilməli və 10 dəfə dairəvi olaraq hərəkət etdirilməlidir. Fırça daha sonra bir fırça qədər hərəkət etdirilməli və bütün diş səthi, yanaq və dil tərəfini eyni tərzdə fırçalamalıdır. Çeynəmə səthlərini isə irəli-geri hərəkətlərlə fırçalamaq lazımdır".

Dişlərin iki dəqiqə fırçalamalı olduğunu deyən həkim, diş fırçası ilə bağlı edilməli olan işləri belə qeyd edib: "Diş yumağa başlamamışdan əvvəl heç vaxt fırçanı islatmayın. Başı kiçik və orta sərtlikdə olan fırçalara üstünlük verilməlidir. İstifadə olunan diş məcununun miqdarı fındıq böyüklüyünü keçməməlidir. Ağız təmizliyi fırçalama və diş arası təmizləmə mərhələlərindən ibarətdir. Sadəcə fırçalamaqla heç vaxt tam bir təmizliyi təmin edə bilməz. Fırçaladıqdan sonra dişlərin ara tərəflərinin təmizlənməsi məqsədilə diş ipindən istifadə edilməlidir. Bunu gündə bir dəfə istifadə etmək məqsədə uyğundur".

Həkim ağızın yaxalanmasının heç vaxt dişləri fırçalamağın və ya diş arası təmizlənməsini əvəz edə bilməyəcəyini deyib. O, ağızın yaxalanmasının ancaq kömək edici təsirə malik olduğunu qeyd edib.