Ağırlıq qaldırmaq insan üçün faydalıdır - Araşdırma
Ağırlıq qaldırmaq beyin sağlamlığını qoruyur.
Sfera.az xarici mediaya istinadən xəbər verir ki, Kampinas Universitetində aparılan araşdırmaya əsasən, həftədə iki dəfə ağırlıq qaldıran şəxslərin yaddaşı və beyin quruluşu yaxşılaşır.
Yüngül bilişsel (düşüncə) pozuntusu olan 44 nəfər üzərində 6 ay davam edən tədqiqat nəticəsində məlum olub ki, idman etməyənlərlə müqayisədə ağırlıq qaldıranlarda beyin bölgələrində kiçilmə dayanıb, ağ maddə bütövlüyü artıb.
Araşdırma göstərib ki, fiziki aktivlik, xüsusilə ağırlıq məşqləri hipokampus və prekuneus kimi yaddaşa təsir edən bölgələri qoruyur, iltihabı azaldır və neyron böyümə faktorlarını artırır.
Tədqiqatın müəllifi İsadora Ribeiro bildirib ki, bəzi iştirakçılar artıq “yüngül bilişsel pozuntu” diaqnozunu almır. Alimlər ağırlıq məşqlərinin demansın qarşısını almaqda effektiv və aşağı maliyyətli bir üsul olduğunu vurğulayıb.
Fidan Hacızadə
