Həkimdən xəbərdarlıq - Bu vitamin əlavələrini qətiyyən qəbul etməyin
Son illərdə vitamin əlavələrinin istifadəsi geniş yayılıb. Lakin bu əlavələr düzgün istifadə olunmadıqda sağlamlıq problemlərinə səbəb ola bilər. ABŞ-li həkim Kaban Mur bəzi vitamin əlavələrinin mümkün təhlükələri barədə xəbərdarlıq edib.
Sfera.az xəbər verir ki, Kaban Mur qəbul etmədiyi vitaminlər haqqında açıqlama verib və bəzi populyar vitaminlərə alternativlər tövsiyə edib:
1. B12 vitamini.
B12 vitamini sinir sisteminin sağlamlığı üçün vacibdir, eyni zamanda DNT və qırmızı qan hüceyrələrinin istehsalını dəstəkləyir. Bu vitamini təbii şəkildə ət, balıq, quş əti, süd və yumurta kimi heyvan mənşəli qidalardan əldə etmək mümkündür.
Mur B12-nin sintetik forması olan siyanokobalamin əlavəsinin təhlükəli olduğunu vurğulayaraq, onun siyanid tərkibli olduğunu və bədənin əlavə detoksifikasiya prosesi keçirməli olduğunu qeyd edib. Bunun əvəzinə metilkobalamin istifadəsini tövsiyə edir.
2. Maqnezium.
Maqnezium əzələ və sinir funksiyası, sümük sağlamlığı, qan şəkərinin tənzimlənməsi, yuxu və əhval-ruhiyyənin yaxşılaşdırılması kimi bir çox həyati funksiyanı yerinə yetirir. Bu mineralla zəngin qidalar arasında tam taxıllar, paxlalılar, qoz-fındıq və müxtəlif meyvə-tərəvəzlər var.
Mur qeyd edib ki, əgər sadəcə işlədici təsir istəyirsinizsə, maqnezium oksid və ya sitrat istifadə edə bilərsiniz:
"Lakin bədənin maqnezium səviyyəsini artırmaq üçün maqnezium qlisinat daha yaxşı seçimdir”.
3. Dəmir sulfat.
Dəmir qırmızı qan hüceyrələrinin tərkib hissəsi olaraq bədəndə oksigenin daşınmasını təmin edir. Dəmir çatışmazlığı anemiyaya səbəb ola bilər. Bu mineralla zəngin qidalar arasında qırmızı ət, ispanaq, paxlalılar, quru meyvələr və qaraciyər var.
Mur söyləyib ki, dəmir sulfat qəbul etməyin, çünki bu əlavə həzm sisteminə zərər verə bilər və qəbizlik, ürəkbulanma kimi problemlərə səbəb ola bilər:
"Bunun əvəzinə ferroz bisqlisinat və ya heme dəmiri istifadəsini tövsiyə edir, çünki bunlar daha yaxşı mənimsənilir və bədənə daha yumşaq təsir göstərir".
Bəsti Rəfizadə
