1a:T7d1,

Dünya Bankının yeni hesabatına görə, hava çirkliliyi hər il təxminən 5,7 milyon insanın ölümünə səbəb olur. Üstəlik, bu ölümlərin 95 faizi aşağı və orta gəlirli ölkələrdə qeydə alınır.

Sfera.az “Sözcü”yə istinadən xəbər verir ki, “Yaşana bilən bir planetdə təmiz havaya çıxışın sürətləndirilməsi” adlı hesabatda hava çirkliliyinin təkcə sağlamlıq baxımından deyil, həm də iqtisadi cəhətdən ciddi itkilərə yol açdığı vurğulanır.

Hava çirkliliyinə bağlı sağlamlıq problemləri, iş gücü itkisi və ömür müddətinin azalması qlobal iqtisadiyyata illik olaraq ümumi ÜDM-in təxminən 5 faizi qədər ziyan vurur.

Hesabatda düzgün siyasətlərin həyata keçirilməsi ilə 2040-cı ilə qədər təhlükəli səviyyədə hava çirkliliyinə məruz qalan insan sayının yarıya endirilməsinin mümkün olduğu bildirilir.

Mütəxəssislərin fikrincə, xüsusilə kənd təsərrüfatı, nəqliyyat, sənaye və şəhərsalma sahələrində aparılacaq islahatlar, havada asılı qalan və insan sağlamlığı üçün təhlükə yaradan zərərli hissəciklərin azalmasına kömək edə bilər.

Hesabata görə, həm hava çirkliliyini azaldan, həm də enerji müstəqilliyini dəstəkləyən tədbirlərin görülməsi iqtisadi və ekoloji baxımdan eyni anda müsbət nəticələr verə bilər. Dünya Bankı hesab edir ki, 2040-cı ilə qədər inteqrasiya olunmuş çirklənmə idarəetmə siyasətləri qlobal iqtisadiyyata 2,4 trilyon dollarlıq qazanc gətirə bilər.

Mütəxəssislər hava çirkliliyi ilə mübarizədə vaxt itirmədən effektiv siyasətlərin həyata keçirilməsinin vacibliyini vurğulayırlar.

Bəsti Rəfizadə

4:[["$","script",null,{"type":"applicat

Hər il 5,7 milyon insan bu səbəbdən ölür - Hesabat