Kişilər tədricən qadınlara oxşayır - Ginekomastiya problemi artır

Son dövlər kişilərdə ginekomastiya prosesinin yayılması müşahidə edilir. 

Sfera.az xəbər verir ki, ginekomastiya kişilərin döş toxumasının qadınlarda olduğu kimi böyüməsidir. 

Bu əlamətlər kişilərdə yeniyetmə çağlardakı hormonal dəyişikliklərə bağlı olaraq ən tez 13-15 yaş arasında yaranır. 

Türkiyə mediasının məlumatına əsasən, plastik cərrah Burak Özkan kişilərdə qadın tipi sinə böyüməsi kimi tanınan ginekomastiya hallarının artdığını bildirib. 

Onun sözlərinə görə, bu problemi estetik cərrahi metodlarla müalicə etmək olar. 

Özkan bu problemin günümüzdə tez-tez rastlaşılan estetik problemlərdən biri olduğunu bildirərək, müalicədə cərrahi metodların ön planda olduğunu vurğulayıb. Həkim xüsusilə liposaksiya ilə uğurlu nəticələr əldə etdiklərini qeyd edib: "Ginekomastiya yalnız estetik narahatlıqlara deyil, həm də psixoloji problemlərə səbəb ola bilər. Bu problemin həlli üçün cərrahi metodları üstün tuturuq. Çünki sinə toxumasını cərrahi müdaxilə olmadan əridə biləcək bir metod hələ yoxdur. Ən çox istifadə etdiyimiz metod isə liposaksiyadır”.

Bəsti Rəfizadə