Bədən üçün faydalı bir mineral olan maqnezium çatışmazlığı sümük sağlamlığı, əzələ funksiyaları və ürək sağlamlığına mənfi təsir göstərə bilər. Lakin hər bir vitamin və mineral kimi maqnezium da yalnız həkim məsləhəti ilə qəbul edilməlidir. Həkim tövsiyəsi olmadan və ehtiyac xaricində istifadə olunan maqnezium böyrək çatışmazlığı və ürək ritmi problemlərinə səbəb olduğu məlum olub.

Sfera.az Türkiyə mediasına istinadən xəbər verir ki, daxili xəstəliklər üzrə mütəxəssis Semiha Ayaydın Kaplan maqneziumun lazımsız və həddindən artıq istifadəsi barədə xəbərdarlıq edib.

Maqnezium əlavələri, bu günlərdə sağlam həyat tərzini dəstəkləmək məqsədilə geniş şəkildə istifadə edilsə də, həkim tövsiyəsi olmadığı halda qəbul edilməməlidir. Kaplan həddindən artıq və nəzarətsiz maqnezium əlavəsi istifadəsinin sağlamlıq üzərindəki təhlükəli təsirləri barədə xəbərdarlıq edərək bunları söyləyib:

“Maqnezium, bədənin normal funksiyaları üçün vacib bir mineraldır. Sümük sağlamlığı, əzələ funksiyaları və ürək ritmi kimi bir çox bədən funksiyasının sağlam şəkildə davam etməsi üçün kifayət qədər maqnezium tələb olunur. Lakin son illərdə sağlam həyat tərzinə artan maraqla birlikdə, maqnezium əlavələrinin həddindən artıq istifadəsi geniş yayılıb. Bu vəziyyət sağlamlıq baxımından təhlükəli nəticələrə yol aça bilər. Həddindən artıq qəbul edilən maqnezium böyrəklərdə yığılaraq böyrək funksiyalarını mənfi təsir edir. Xüsusilə böyrək xəstəliyi riski olan şəxslərin, bu cür əlavələri yalnız mütəxəssis nəzarəti altında istifadə etməsi çox vacibdir”.

Maqnezium əlavələrinin əksər hallarda əzələ spazmları, sinir sistemi problemləri və yuxu problemlərinin müalicəsində istifadə edildiyini bildirən Kaplan düz olmayan miqdarda maqneziumun hipermaqnezemiyə səbəb olduğunu söylədi:

“Hipermaqnezemi qanınızdakı maqneziumun təhlükəli səviyyələrə yüksəlməsi ilə yaranan bir vəziyyətdir və bu, ürək ritm pozğunluqları, nəfəs darlığı və böyrək çatışmazlığı kimi ciddi sağlamlıq problemlərinə yol aça bilər. Maqnezium əlavələrinin istifadəsi şəxsin mövcud sağlamlıq vəziyyətinə görə müəyyən edilməli və yalnız həkim tövsiyəsi ilə həyata keçirilməlidir. Həmçinin, hər hansı bir əlavə almadan əvvəl qan testi ilə maqnezium səviyyələri ölçülməli və buna uyğun müalicə planı hazırlanmalıdır. Yalnız maqnezium deyil, bütün vitamin və minerallar üçün bu qayda keçərlidir. Lazımsız və həddindən artıq əlavələr bədəndə geri dönməyəcək problemlərə səbəb ola bilər”.

Bəsti Rəfizadə

Bu dərman böyrək çatışmazlığı yaradır - Həkim rəyi