Yatmazdan əvvəl bu qidaların istehlakı risklidir - Dişləri çürüdə bilər
Türkiyənin ağız və diş sağlamlığı mütəxəssisi Kardelen Beşkardeş uşaqların dişlərinin qorunması üçün şirin qidalardan az istifadəni tövsiyə edir.
Sfera.az "Posta" qəzetinə istinadən xəbər verir ki, Beşkardeş xüsusilə yatma saatına yaxın şirin qidaların istehlakının dişin çürümə riskini artırdığını vurğulayıb.
“Bu qidaların yaratdığı zərərli təsirləri azaltmaq üçün onları yemək zamanı və ya dərhal sonra istehlak etmək daha faydalıdır”, - deyən Beşkardeş söyləyib ki, yüksək şəkər tərkibli şokolad və kraker kimi qidalardan uzaq durmaq lazımdır: “Meyvə şirələri, qatqılı süd və bal tərkibli içkilərdən də ehtiyatla istifadə olunmalıdır. Bu içkiləri xüsusilə yatmadan əvvəl istehlak edilməsi dişlərin çürümə riskini artırır”. Bundan əlavə, tətil dövründə uşaqların dişlərini fırçalamadan yatmağa daha meyilli olduğunu bildirən Beşkardeş səyahət edərkən diş fırçası və pastasının valideynlərin özləri ilə aparmasının vacib olduğunu qeyd edib.
Uşağın ilk dişi çıxdıqdan sonra diş qulluğuna ehtiyac olduğunu deyən Beşkardeş tövsiyələrini belə sıralayıb: “Uşağınızın ilk dişi çıxdıqdan sonra yumşaq tərkibli bir uşaq diş fırçası ilə gündə iki dəfə dişlərini fırçalayın. 6 yaşdan kiçik uşaqların dişlərini valideynləri gündə iki dəfə fırçalamalıdır”.
Bəsti Rəfizadə
